Në takimin e organizuar të Partisë Demokratike në Laprakë, ne “Foltoren” e drejtuar nga Sali Berisha, foli edhe deputeti i zonës Belind Këlliçi.
Ai tha se synimi i mazhorancës dhe Ramës ishte që të shkatërronte PD-në, por me lëvizjen e drejtuar nga Berisha u arrit që ajo të shpëtohej.
Këlliçi u bëri thirrje demokratëve dhe qytetarëve që më 24 janar të rrëzojnë atë që ai e quan “regjimi i Ramës”.
“Kemi shpëtuar PD nga shkatërrimi dhe synimet për ta dëmtuar bashkë me ju dhe jemi krenar. Jemi besimplotë se do vazhdojmë të punojmë për Shqipërinë, për ta anëtarësuar në BE dhe integruar. Falënderim për të gjithë ata që nuk janë nënshtruar për 13 vite ndaj regjimit të Edi Ramës. Përherë zgjidhjet që vijnë nga baza dhe propozohen nga baza, janë gjithnjë më të mirat. Ashtu si lëvizja e zotit Berisha më 2021 që shpëtoi PD-në, ashtu do vazhdojmë të triumfojmë. Fati favorizon guximtarët, ju jeni heronjtë e pamposhtuar dhe pas kontributit dhe sakrificave fati do ju buzëqesh. Mirënjohje pa fund, shihemi në shesh më 24 janar në protestën kombëtare për rrëzimin e regjimit të Ramës”, tha Këlliçi.
