Belind Këlliçi u shpreh i sigurt se damka “non grata” që SHBA vendosi ndaj Sali Berishës do të hiqet pas ndryshimit të administratës së SHBA-ve, kur Donald Trump të betohet si president i Amerikës më 20 janar.
Këlliçi tha se në shkurt të këtij viti Marco Rubio i dërgoi letër presidentit aktual Joe Biden ku i kërkoi heqjen e non gratave.
“Që non grata e Berishës do hiqet të jeni të qartë si drita e diellit… Do hiqet a në shkurt, a në prill a në maj nuk e dimë se kur…Kasanof e di shumë mirë se në datë 21 janar aty shkon sekretar shteti Marco Rubio dhe president i SHBA Donald Trump. Marco Rubio në shkurt të këtij viti së bashku me senatorë të tjerë i ka shkruar Joe Bidenit letër publike zyrtare ku i kërkon heqjen e non gratave ..nga Amerika Latine është me origjinë ai, nuk është nga Shqipëria dhe i thotë presidentit të Amerikës që mekanizmi që ju po përdorni i non gratës po keqpërdoret dhe po përdoret për luftë politike“, tha Këlliçi.
