Me nisjen e fushatës elektorale, po dëgjojmë lloj-lloj “përralla” dhe premtime të paimagjinueshme elektorale.
Për shkak se e ndjen humbjen dhe me qëllim që të “thithë” ndonjë votë, Berisha zotohet se kur të vijë në pushtet do të 5-fishojë subvencionet për fermerët.
“Nuk do ketë ilaçe në treg, që nuk tregtohen së paku në dy vende të BE-së. Qeveria tallet me pensionistët. PD kur erdhi e gjeti pensionin 36 mijë lekë të vjetra dhe i rritëm. Morëm paratë nga buxheti dhe i dërguam në pensione. Çdo shtet subvencionon fermerin, i jep para në dorë për atë që mbjell, për atë që korr, për atë që mbarështon, për fidanët që mbjell dhe asnjë shtet nuk humbet nga kjo, ato kthehen në mirëqenie. Ky hapi kufijtë për Serbinë, për Ballkanin e Hapur. Prodhimet serbe, që kanë subvencione 8 herë më shumë se ne, normalisht që do kenë prioritete. Kjo bëri që malli i vendit të kalbet dhe fermeri të falimentojë e të largohet. Subvencionet do i rrisim me 5 herë”, tha Berisha.
