Ish-ministri i Jashtëm, Aldo Bumçi ka befasuar të gjithë teksa deklaroi se është hequr “Non Grata” e Sali Berishës.
Bumçi tha se sipas deklarimeve të disa zyrtarëve të lartë amerikanë, dosja e “Non Gratës” së Berishës është bosh. Bumçi u shpreh se kjo u vërtetua që kur Berisha u zgjodh z /president i organizatës më të madhe të qendrës së djathtë, ku bën pjesë edhe Partia Republikane e SHBA-së.
“Nga administrata e kaluar amerikane pati një sulm për të shkatërruar Partinë Demokratike dhe për ta bërë Edi Ramën mbret. Kjo administratë e re tani dhe Kongresi në dy dëgjesa kanë dalë dhe kanë bërë një skaner të kësaj drejtësie. Dhe zoti Berisha u zgjodh zëvendëspresident i organizatës më të madhe të qendrës së djathtë ku është Partia Republikane. A mund të zgjidhet një person që amerikanët nuk duan? Non grata ka rënë. E ke deklaratë para zgjedhjeve të Departamentit Amerikan të Shtetit që zoti Berisha mund të ftohet dhe të vizitojë Amerikën. Pse u zgjodh zoti Berisha? Marrëdhëniet janë rikthyer, kemi kontakte në nivelet më të larta dhe fakti që sot flitet për narkoshtet dhe nuk ke takime me Ramën, tregon që faktet e opozitës dhe zëri i opozitës ka shkuar nivelin më të lartë”,-tha Bumçi.
