Teksa Berisha kërkon dorëheqjen e Edi Ramës, burime për Report TV bëjnë me dije se kryeministri do të mbledhë të premten (më 9 janar), në Tiranë, ministrat e kabinetit të tij.
Në fokus të takimit do të jenë objektivat kryesore dhe prioritetet e qeverisë për vitin 2026, si dhe përcaktimi i drejtimit strategjik të punës për muajt në vijim.
Takimi do të nisë në orën 10:00 te Pallati i Brigadave dhe është konceptuar si një tryezë e gjatë pune për vetëm një ditë.
Ndërsa një javë më pas, të premten e 16 janarit, Rama do të mbledhë në Pallatin e Brigadave Grupin Parlamentar të PS në nisje të sesionit të ri parlamentar, me qëllim për të koordinuar punën në Parlament.
