Tedi Blushi, Edmond Haxhinasto dhe deputetët Erisa Xhixho e Petrit Vasili janë nisur sot për të vizituar Ilir Metën në burgun 313.
Por deputetët opozitarë ndihen të zhgënjyer pasi nuk janë lejuar të takojnë Metën. Vasili tregon se pasi kanë hyrë në ambientet e oborrit të burgut, “besnikët” e PL kanë pritur mbi 1 orë e gjysmë dhe më pas janë njoftuar se nuk mund të kryejnë takimin me Metën.
“Nuk patëm takim me zotin Meta sepse qeveria ka shkelur çdo normë demokratik që pengoi takimin tonë. Takimin e kishim lajmëruar më parë me gjithë dokumentet e nevojshme. Hymë në oborr dhe pritëm mbi 1 orë e gjysmë për të na njoftuar që nuk mund të bënim takimin”, tha Vasili.
