Sali Berisha ka paralajmëruar shkrirjen e SPAK-ut duke u shprehur se kur ai të vijë në pushtet Prokuroria e Posaçme nuk duhet të ekzistojë më.
Për të përforcuar qëndrimin e tij për shkrirjen e SPAK, Berisha mori si shembull Presidentin amerikan, Donald Trump.
“Tre ditë më parë Donald Trump ka shkrirë Prokurorinë e Nju Jorkut. Dy ditë më parë Donald Trump ka shkarkuar të gjithë prokurorët e emëruar nga Joe Biden. Sepse vetëm e vetëm janë dëshmuar prokurori politike, për asgjë tjetër. Sepse po të marrësh platformën e tij, platforma antikrim e tij është platforma më e fuqishme. Unë kam këtu tre rezoluta ndërkombëtare. Të cilat damkosin SPAK-un si prokurori politike. Nëse unë si opozitar do pranoja një prokurori politike, unë do pranoja një gjëmë të madhe për vendin tim”, tha Berisha për A2 CNN.
