Ish-ambasadorja e SHBA në Tiranë, Yuri Kim është emëruar në postin e Këshilltares së Lartë për Efiçencë dhe Përgjegjësi në Departamentin Amerikan të Shtetit.
Lajmi vjen i konfirmuar nga DASH, një ditë pasi në Shqipëri shpërthyen lajmet mashtruese se Yuri Kim ishte shkarkuar nga posti që mbante.
Media pranë Berishës shpifën pa kursim për ish-ambasadoren, duke thënë se Yuri Kim është shkarkuar nga Departamenti i Shtetit madje është vendosur edhe nën hetim. E vërteta rezulton të jetë komplet e kundërta, pasi Yuri Kim vazhdon të vlerësohet pozitivisht gjatë administratës Trump me detyra të reja dhe të larta.
Profili i ish-ambasadores Kim në uebfaqen e DASH u fshi për një ditë, duke bërë që të shpërthejnë spekulimet se ajo ishte larguar. Por mesa duket, kjo ka ndodhur për të përditësuar të dhënat e saj me postin e ri që do të mbajë.
Si këshilltare e Lartë për Efiçencë dhe Përgjegjësi, Yuri Kim do të mbajë këtë post të ri të krijuar së fundmi, mesa duket i inspiruar nga Departamenti i Efiçencës së Qeverisë, së Elon Musk.
