Ka reaguar për herë të parë deputeti i qarkut të Shkodrës, Agron Çela i cili braktisi partinë e Ilir Metës për tu bërë pjesë e Partisë Socialiste.
Ndër të tjera, Çela bën thirrje që të mbështesin mazhorancësn për projektet që ajo ka në drejtim të zhvillimit të Shkodrës. Çela thotë se ne duhet t’i japim shansin PS-së që të drejtojë bashkinë në Shkodër pas 30 viteve të drejtimit të PD-së.
“Ne duhet t’i japim shansin PS qe ta drejtoje Bashkinë Shkodër, pas 30 viteve te drejtimit te PD-se, dhe te mos vazhdojmë me ngarkesa emocionale, qe asnjë te mire nuk i kane sjelle Shkodres! Mazhoranca qeverisëse ka përgatitur një pakete investimesh shume te rëndësishme për Shkodrën, ndaj ne duhet te bëhemi mbështetësit e këtij ndryshimi duke votuar për kandidaturën e saj e krijuar një koalicion te fuqishëm me qytetaret për te punuar për Shkodrën”, shkruan ndër të tjera Çela.