Athina po fillon “hakmarrjen” ndaj vendit tonë pasi së fundmi ka bllokuar një Marrëveshje të Mbrojtjes së Sigurisë mes BE-së e Shqipërisë, shkruan “Ekathimerini”.
BE-ja është në proces të përshpejtimit të procedurave për nënshkrimin e marrëveshjeve me vendet e treta jashtë Bashkimit, me synimin për një bashkëpunim më të mirë në mbrojtje. Greqia kundërshtoi kur erdhi puna ta Shqipëria, duke këmbëngulur se duke qenë një vend që dëshiron të anëtarësohet në BE, duhet të jetë në përputhje me rregullat e ligjet evropiane.
Në këtë sfond, grekët propozuan Maqedoninë e Veriut si vendin më të përshtatshëm për të lidhur një marrëveshje të mbrojtjes dhe sigurisë me BE-në, pasi ajo ka treguar një paraqitje më të mirë në fushën e sundimit të ligjit.
Propozimi grek nuk u pranua, por as çështja e Shqipërisë nuk eci përpara, pavarësisht mbështetjes shumë të fortë nga italianët, të cilët janë edhe partneri më i afërt i Tiranës në BE, që është rregullisht një burim fërkimi mes Romës dhe Athinës.
