Para viteve ’90 hekurudha ka qenë mjeti kryesor i lëvizjes së njerëzve dhe mallrave. Sot, hekurudha është thuajse e braktisur pasi amortizimi është tejet i lartë.
Pasi janë lënë në mëshirë të fatit për shumë vite, më në fund vëmendja është kthyer nga hekurudhat. Zhvillimi ekonomik ka bërë të nevojshëm lidhjen rajonale nëpërmjet rrjetit hekurudhor. Edhe Dhqipëria është pjesë e projekteve që po financohen pjesërisht nga Bashkimi Europian. Një prej tyre është hekurudha Vorë-Hani Hotit. Kjo e fundit kalon në 7 bashki dhe përshkon Ultësirën Perëndimore të Shqipërisë, me drejtim nga Jugu në Veri. Hekurudha lidh qendrat urbane të Vorës, Mamurrasit, Laçit, Milotit, Lezhës, Shkodrës dhe Koplikut.
Por rivendosja e transportit hekurudhor, më standarde evropiane dhe trena bashkëkohorë do të kërkojë fuqi punëtore të specializuar me paga dhe kushte specifike.
Hekurudha Tiranë-Durrës një projekt i rëndësishëm kombëtar, punimet e së cilës pritet të mbyllen në muajin mars të viti 2025. Sipas projektit të kësaj linje hekurudhore, koha e udhëtimit Tiranë-Durrës do të jetë 22 minuta dhe Tiranë-Rinas vetëm 12 minuta.
