Në Tiranë por edhe disa qytete të tjera të vendit sot ishte dita me e nxehtë e vitit ku termometri në hije shënoi mbi 40° Celcius, por kapriçot e motit kanë sjellë një situatë ndryshe në veri të vendit.
Qarku i Kukësit është përfshirë këtë pasdite nga moti i keq, i shoqëruar me shtrëngata shiu dhe aktivitet të dendur elektrik.
Reshjet intensive në formë stuhie kanë prekur veçanërisht zonën e Tropojës. Në njësinë administrative Lekbibaj, si pasojë e reshjeve të dendura, janë regjistruar rrëshqitje dherash dhe materialesh inerte.
Pamjet nga zona tregojnë se masivet e dheut kanë përfunduar në disa segmente rrugore, duke vështirësuar qarkullimin e mjeteve.
