Një ditë pasi qeveria miratoi vendimin për mbylljen e “TikTok”, Sali Berisha u bën thirrje fëmijëve që të bojkotojnë orët e mësimit.
Gjatë një konference për shtyp, Berisha i kërkon prindërve që të mos i dërgojnë fëmijët në shkollë këtë të hënë. Sipas Berishës, edukimi i fëmijëve nëpër shkolla është më pak i rëndësishëm se mbyllja e rrjetit social TikTok.
Berisha shkoi dhe më tej, duke kërcënuar edhe shkollat e mësuesit, kur tha se askush nuk duhet të guxojë të marrë masa ndaj nxënësve që bojkotojnë mësimin.
“U bëj thirrje prindërve të mos i dërgojnë ditën e hënë fëmijët në shkollë orën e parë, si një akt i betejës së fëmijëve tuaj për lirinë e shprehjes dhe kundër censurës. Nuk do guxojë shkollë, apo mësues të marrë masa ndaj jush, do përballen me pasojat më të rrepta ligjore, e drejta e grevës është e drejtë Kushtetuese”, tha Berisha.
Pas konsultimit me prindër e mësues në mbarë vendin, kryeministri Edi Rama tha se mbi 90% e tyre janë “PRO” mbylljes së “Tik Tok”, pasi e shohin si të dëmshëm për fëmijët e tyre.
