Kryeministri Edi Rama ka prezantuar përmes një fofogalerie, plazhin e qetë të Darzezës në Fier, një plazh familjar, një bregdet ku fëmijët mund të lahen dhe të lozin për shkak të ujit të cekët që zgjaton deri thellë bregut.
Siç dihet, Plazhi i Darzezës është një plazh i bukur dhe ofron çmime të lira. Ky plazh është i njohur për rërën e tij të pastër dhe ujin e kthjellët, duke e bërë një destinacion të preferuar për pushime verore, si për pushuesit vendas edhe turistët e huaj, të cilët po frekuentojnë gjithnjë e më shumë bregdetin shqiptar.
Darzeza ofron një ambient të qetë dhe relaksues, larg nga turizmi masiv, duke e bërë një vend ideal për ata që kërkojnë të kalojnë kohë në natyrë dhe të shijojnë detin.
