Klevis Balliu ka komentuar qëndrimin e ambasadës së SHBA se nuk angazhohet të bashkëpunojë me persona non-grata.
Çuni i Fahri Balliut e sfumoi këtë deklaratë duke u shprehur se nuk mund të kenë vlerë qëndrimet e një administrate në ikje dhe sipas tij kjo ishte një qokë për të gjithë ata që janë në përpëlitjet e fundit të tyre si në SHBA dhe Shqipëri.
“Edhe ky reagim është si një përpëlitje e fundit e atyre që deri dje kontrollonin gjithçka, që ndjeheshin të plotëfuqishëm dhe tani nuk po dinë nga të futen. Këto deklarata nuk kanë të bëjnë me administratën e re që po vjen. Këtu kemi të bëjmë me nje grusht shteti nga të gjithë; me Blinken, Soros e të gjithë këta. Pas kapjes së drejtësisë këta kërkonin të kapnin dhe opozitën por duke i marrë votat e popullit opozitar për t’ia falur qeverisë. Ai është grusht shteti, brenda shtetit. Menjëherë më pas Basha tha në Këshillin Kombëtar të PD-së se donte të bashkëpunonte me PS-në, por Sali Berisha i doli kundër dhe prandaj e shpallën “non-grata””, tha Balliu.
