Kryeministri Edi Rama ka publikuar pamjet e projektit për transformimin e shëtitores pranë lumit Drin në Lezhë, dhe njofton se së shpejti do të nisë puna.
E gjithë zona do të kthehet në hapësirë të dedikuar për qytetarët dhe turizmin. Po ashtu, transformimi i zonës do të nxjerrë në pah vlerat e Memorialit të Skënderbeut që ndodhet përballë shëtitores.
“Në Lezhë, jemi gati për të nisur nga puna të hënën, për transformimin e shëtitores dhe lulishtes pranë lumit Drin, e cila krahas hapësirës së dedikuar për qytetarët, do të jetë edhe në shërbim të turizmit, duke i nxjerrë më në pah vlerat e Memorialit të Skënderbeut që ndodhet përballë saj, dhe që përbën njërin prej monumenteve më të rëndësishëm në historinë e Shqipërisë”, shkroi pak ditë më parë Edi Rama.
