Avokati Spartak Ngjela ka komentuar veprimet e sotme të deputetëve të Berishës të cilët bllokuan hyrjen e deputetëve socialist në Kuvend dhe hoqën kartat e tyre nga pajisjet elektronike të votimit.
Ngjela tha se deputetët demokratë të “Foltores” janë në hall të madh, por që të fitosh zgjedhjet dhe pushtetin duhet të kesh pas vetes shumë njerëz.
“Nuk kanë asnjë vlerë. Ku marrin dot pushtet ata me 18%. Ata janë në hall! Grupimi i Bashës është me Perëndimin. Sali Berisha nuk është me perëndimin dhe as me shqiptarët. Duhet të kesh numër votuesish që të fitosh ,gjedhjet”, – tha Ngjela në Report Tv.
Samiti i Procesit te Berlinit? “U folën gjëra të përgjithshme. Shqipërisë nuk i dhanë asgjë. Unë mendova se do të jepnin lajmin se Shqipëria do të futet në BE. Asgjë konkrete. Fakti që nuk solli gjë sekrete nuk kam simpati për këtë. Shqipërisë nuk i dhanë asgjë“,- tha Ngjela.
