Seanca plenare e kësaj të hëne është shoqëruar me përplasje të forta mes deputetëve të Berishes dhe efektivëve të Gardës, ku pati dhe një tentativë për zjarrvënie.
Në përfundim të seancës bëhet me dije se në sallën e parlamentit kanë shkuar agjentët e Byrosë Kombëtare të Hetimit të cilët kanë nisur mbledhjen e provave.
Ashtu sikurse ka ndodhur dhe gjatë seancave të kaluara, deputetët e Berishes bllokuan me karrige foltoren e Kuvendit.
Ndërsa deputeti Flamur Noka tenton t’i vëjë zjarrin parlamentit, pasi shihet teksa ndez disa fleta dhe i vendos poshtë grumbullit me karrige. Ka qenë ndërhyrja e Gardës ajo e cila ka bërë të mundur shuarjen e zjarri dhe mospërhapjen e flakëve.
