“U lirua nga një masë sigurie, por nuk u çlirua nga akuza”, kështu u shpreh Petro Koçi teksa komentoi lirimin e Sali Berishës dhe kthimin e tij në Kuvend.
Gjithashtu gjatë intervistës, Petro Koçi nënvizoi se ish-kryeministri Sali Berisha është “nën makthin” e akuzave të SPAK, dhe se sipas tij ka shumë veprime që e kompromentojnë atë.
“Berisha u lirua nga një masë sigurie, por nuk u çlirua nga akuza. Ai kudo ku shkon gjithmonë është nën makthin e akuzave serioze. Statusi i të pandehurit nuk ndryshon si në katin e parë si në katin e fundit. Gjykoj që çështja e klubit Partizani është “minore”, kur bëhet fjalë për çështje si 21 janari. Kemi fshirje serveri, kemi deklarata të çuditshme të Berishës, u pengua prokuroria. Pra janë disa veprime që atë e kompromentojnë. Pra konstatojnë lehtësi që gjykimi dhe hetimi nuk ka shkuar atje ku duhet. Po të shohësh sondazhet, publiku i beson drejtësisë së re“, tha Petro Koçi.
