Deri para pak ditësh mbetej në kufirin e thashethemit por duket se nuk është dhe aq. Etjen Xhafaj, deputeti i Partisë Socialiste për Kavajën, mund të jetë një prej kandidatëve të Partisë Socialiste për të qenë drejtues Bashkisë së Vlorës në zgjedhjet e 14 majit.
Xhafaj, i lindur në Vlorë në 1982, nuk ka pasur angazhime të mëparshme politike në këtë qytet. Madje, mandatin e mori në qarkun e Tiranës në zonën e Kavajës. Por nëse ai do të jetë i përzgjedhuri i strukturave të PS për Vlorën, do të duhet të heqë dorë nga mandati i deputetit, shkruan Newsbomb.
Dje, ai ka qenë në Vlorë ndërkohë që organizohej pritja për kryeministrin Edi Rama. Ulur në rresht të parë në krah të deputetëve të kësaj force politike, por të Qarkut të Vlorës. E padyshim, kjo nuk është një lëvizje që nuk vërehet, kur deputeti i qarkut të Tiranës shkon për të pritur Ramën në Vlorë.
