Sali Berisha e ka quajtur një strateg Chris LaCivita, i cili do të drejtojë fushatën e PD-së.
Në një intervistë në “Opinion”, Berisha theksoi se marrëveshja me “njeriun e Trumpit” është plotësisht transparente dhe do të bëhet publike sapo të finalizohet.
“Kontratë normale nga burime finianciare (para) të kristalta. Sapo të marrë formën përfundimtare shuma unë do jua them. Do e depozitoj në KQZ. Nuk e fsheh kurrë. Këta kanë publikuar shifra 20 milionë Euro, etj, etj, janë 20 milionë mashtrime. Pagesa është me transferta bankare, është në përputhje me ligjin dhe do depozitohet në KQZ. A mund të mendohet se ndodh ndryshe me kryestategun elektoral? Ai është Kryetar i Komitetit Kombëtar Republikan sepse duhet të mbrohet fitorja në vazhdim e republikanëve”, tha Berisha.
Berisha habiti teksa deklaroi se Edi Rama kishte tentuar ta angazhonte Chris LaCivita në fushatën e tij me PS.
“Rama bëri gjithçka për ta marrë në ekipin e tij, por ai zgjodhi të vijë me ne” u shpreh Berisha.
