Arjan Curri ka folur në lidhje me ikonën e muzikës shqiptare Parashqevi Simaku, e cila ka shkaktuar bujë në rrjetet sociale.
Curri ka dhënë detaje në lidhje me jetesën e Parashqevisë ndër vite në stacionin e trenit duke treguar detaje prekëse. ‘
Ai ka thënë se këngëtarja i ka treguar Elton Ilirjanit se jeton në tren me shpresën se rastësia do e takonte me djalin e saj.
“Ajo largohej nga ai stacion dhe më pas kthehej prapë aty. Parashqevia i ka thënë ‘a e ke parë filmin me Haçhikon, dhe unë si Hachiko kthehem te i njëjti stacion ku bëja shumë udhëtime me djalin tim. Shpresoja që rastësia të më sillte aty djalin tim. Unë mendoj se si Eltoni, askush nuk mund të kujdesej më mirë për një artiste si ajo. Ai ka marrë miratimin e familjarëve, ka marrë kontakt me autoritetet shqiptare. Këto ditë, ai do ta çojë Parashqevinë nëpër vizita, sepse ajo ka vite që nuk shkon nëpër mjekë”, tha ai në Top Channel.
