Kreu i Nismës “Shqipëria Bëhet”, Adriatik Lapaj ka reaguar në lidhje me një video satirë të shpërndarë mëngjesin e sotëm nga kryeministri Edi Rama, ku i drejtohej Sali Berishës, se do ta merrte në qafë Lapajn, ashtu siç mori sipas tij edhe Lulzim Bashën.
Në një postim në rrjetet sociale, Lapaj e ka quajtur postimin e shpërndarë nga Rama si bullizim, ndërsa shtoi se kryeministri është i frikësuar nga një i ri që nuk i pranon pazaret.
“Çfarë e shqetëson një kryeministër që ka 28 vite në politikë, që ka mbi 20 mijë automjete të administratës që i keqpërdor, që të dhunojë e bullizojë një të ri me ëndrra e që në moshë është sa djali i tij. Mos vallë fakti që ky i ri nuk i vjen në pazar dhe thotë që do ta çojë vendin në zgjedhje të parakohshme? Eja në debat zoti Rama të pres kur dhe ku të duash“, tha Lapaj.
