Kandidati i Partisë së Lirisë, Tedi Blushi mori një karikaturë dhuratë nga drejtuesi i emisionit, gazetari Sokol Balla.
Ndërkohë Blushi i dhuroi një kapelë ngjyrë të kuqe me numrin 1, ndërsa i premtoi dhe bluzën mbi të cilën ishte sigluar emri i Ilir Metaj, që kandidon më 11 maj në listë të hapur.
Kjo situatë krijoi të qeshura në studio, ndërsa Balla e Blushi shkëmbyen batuta dhe vendosën edhe një bast publik.
》Tedi Blushi: Unë po të jap dhuratë këtë kapelë dhe kur të mbaroj intervista dhe do të jap dhuratë bluzën [e mban veshur] për të votuar për Ilir Metën me 11 maj.
》Sokol Balla: Unë të premtoj se nëse ju i fitoni zgjedhjet, unë këtë kapelën me numrin 1 ngjyrë të kuqe do ta mbaj minimalisht një muaj rresht çdo ditë në emision.
》Tedi Blushi: Uroj që ta mani fjalën. Uroj të mos e kesh marrë atë kapelën tjetër.
》Sokol Balla: Të siguroj se nëse do mbaj kapelën, do mbaj vetëm tënde dhe asnjë tjetër. Kjo është pak, por e sigurt.
