Kryeministri Edi Rama e nisi konferencën e fundvitit me një lajm të mirë pasi raporti i Institutit amerikan Cato, e rendit Shqipërinë në një pozicion inkurajues për lirinë ekonomike dhe njerëzore.
Sipas kreut të qeverisë, Shqipëria renditet e 39-ta në rang global sa i përket lirisë ekonimike dhe e 9-ta sa i përket Evropës Lindore. Rama tha se me këtë renditje, Shqipëria kalon edhe vende të tjera si Polonia, Greqia, Hungaria etj.
“Do ta nis konferencën me një lajm të mirë. Instituti Amerikan Cato, Shqipëria ka një pozicion inkurajues. Është renditur e 39 në klasifikim të përgjithshëm dhe e 9 në gjithë pjesën e Europës Lindore, kështu e kanë të ndarë raportin. Sa i përket lirisë ekonomike, renditet para Poloninë, apo Hungarisë. Po ashtu dhe për lirinë njerëzore. Për lirinë ekonomike është në pozicion më të mirë. Është pasqyrë pozitive. Institutet nuk është se mund të japin lajme të mira shpesh, por përpiqem që të prek pak disa fusha kryesore, duke nisur nga ekonomia. Jemi në një vit ende që në aspektin e saj, është nga më të mirët. Parashikohet që të mbyllet me rritje ekonomike 3.9%, rritje kuptimplotë dhe mbase më e larta në të gjithë këtë pellg ku gjendemi ne në kontinentin tonë”, tha Rama.
