Kryebashkiaku aktual i Vlorës, Dritan Leli ka publikuar një foto ditën e sotme, ku shihet duke i shtrënguar dorën kandidatit të PS për zgjedhjet e 14 majit, Ermal Dredha.
Theksojmë se ky është një gjest për t’u admiruar nga ana e Lelit, i cili uron kandidatin që mendohet se mund të jetë pasardhësi i tij, pasi siç e dimë ai nuk do të rikandidojë në zgjedhjet vendore të 14 majit për një mandat të tretë.
“Përpara të gjitha sfidave dhe stereotipit të ashpërsisë që shfaq për së pari Vlora, për kë nuk ia njeh zemrën e butë, Ermal Dredha, kandidati i Partisë Socialiste për të drejtuar bashkinë e qytetit, në prag të mandatit, është gati.
Prandaj, bashkë me mirënjohjen për ç’jetova këto tetë vite e mundësinë e pashlyeshme që m’u dha për t’i shërbyer këtij qyteti, si asnjë i dytë, i uroj Ermalit t’i shtojë shpirtit të këtij vendi të bekuar, energjinë e turizmit që duhet të shtrihet në çdo muaj të vitit sepse nuk ka tjetër si ajri i këtij deti që qetohet mes një ishulli e gadishulli, përballë jetës”, shkruan Leli.
