Kryeministri Edi Rama ka shpërndarë një video të sipërmarrësit të njohur arab Mohamed Alabbar i cili flet për kompaninë e tij “Emaar” dhe projektin për Portin e Durrësit.
Rama e shoqëron videon me një simbol respekti për sipërmarrësin nga Lindja e Mesme, dy ditë pasi Kuvendi miratoi ligjin për zhvillimin e qytetit bregdetar.
“Unë me të vërtetë besoj se ne jemi shumë me fat që po bëjmë atë që bëjmë në jetën tonë, duke qenë në gjendje të ëndërrojmë. Dhe ta detajojmë atë. Shqipëria më kujton vendin nga vij vetë, ku zhvillimi, përparimi dhe rritja, është aty. Kam përshtypjen se në Durrës do jetë absolutisht kulmi i më të mirës. Kështu që ne mund ta fillojmë me të vërtetë nga një nivel i pabesueshëm, për të krijuar një jetë të pabesueshme”, thotë Mohamed Alabbar, referuar videos së shpërndarë nga kryeministri.
