I pranishëm në Kuvendin Kombëtar të PD-së, Sali Berisha mbajti një fjalim para të rinjve demokratë, duke paralajmëruar revolucion dhe përballje pas protestës që u mbajt në 6 dhjetor.
Dy ditë pas grushtit në Protestë, Berisha sot ka ashpërsuar tonet duke u shprehur se PD është “gati të luftojë çdo armik të Shqipërisë”.
“Sot kryefjala e kohës është revolucion, revolucion dhe vetëm revolucion. Shqipëria nuk shpëtohet me lutje dhe me deklarata, por shpëtohet me revolucion. Ne do t’ia dalim, jemi të gatshëm të luftojmë çdo pushtues të saj, çdo mafie të saj. Ne do e faktojmë shpejt Edi Rama se kauza jonë do triumfojë. Ne do luftojmë me moton: jetën e japim, votën nuk ta falim. Mjer ti që ke prek votën tonë. Secili prej jush e ka të qartë se koha na fton: asksion, aksion dhe vetëm aksion“, tha Berisha teksa u shfaq me syze të errëta dielli.
