Kryeministri Edi Rama dhe disa nga anëtarët e kabinetit të tij kanë zhvilluar një takim paraditen e kësaj të marte me kryetarët e 61 bashkive, ku nuk kanë munguar as të zgjedhurit vendorë që janë përfaqësues të Partisë Demokratike.
Në një moment të diskutimeve, kryebashkiaku i Pukës ka marrë fjalën të flasë, por Rama e ka ngatërruar duke pritur që mikrofonin ta merrte Hilë Curri, dhe jo Rrok Dodaj. Ky i fundit është kryetari i Pukës, ndërsa Curri i Bashkisë Fushë Arrëz.
“Bashkia e Fushë Arrëzit ka ardh? Ore pse unë gjithmonë mendoj se ti je i Pukës?!”, tha Rama, duke pritur që fjalën ta merrte Hilë Curri, por në fakt ai që e kishte radhën për të shprehur shqetësimet e njësisë që drejton ishte Rrok Dodaj.
Të dy këta kryebashkiakë Rrok Dodaj i Pukës dhe Hilë Curri i Fushë Arrëzit, pavarësisht se përfaqësojnë opozitën, marrin pjesë në takimet që organizon kryeministri Edi Rama me të zgjedhurit vendorë, si dhe përfshihen në nismat e Ministrisë së Shtetit për Pushtetin Vendor, në të mirë të komuniteteve që përfaqësojnë.
