Kryeministri Edi Rama e ka cilësuar një arrestim të nxituar dhe të çuditshëm atë të kryebashkiakut të Tiranës, Erion Veliajt.
Rama tha se gjyqtari u ngut për t’i hequr kokën nga shpatullat bashkisë së Tiranës duke lënë pa drejtim një kryeqytet, pa gjyq. Kreu i qeverisë i del në mbrojtje Veliajt duke deklaruar se procesi hetimor është shumë i çuditshëm.
“Rastin e Erjonit unë e kam ndjekur për një sërë arsyesh, por ajo që më ka shqetësuar dhe më ka nxitur të bëhem i vëmendshëm ka qenë “intimidimi”…”intimidimi” i disa personave të marrë në pyetje. Ne nuk do të ngutemi, do të krijojmë një opinion për akt akuzën për të cilën gjykatësi ka firmosur t’ia heqë kokën nga shpatullat bashkisë së Tiranës duke lënë pa drejtim një kryeqytet, pa gjyq. Mesa kuptoj këtu bëhet fjalë për një proces hetimor të çuditshëm. I nisur nga një novelë pafundësi fletësh anonime, dorëzuar shkurtin e kaluar në SPAK që ka pjellë një roman 400 faqe ku autorë të veshur me pushtetin e drejtësisë, kanë arritur në pikën që edhe nënën e një fëmije ta dënojnë me arrest shtëpie”, tha Rama./ Rilindje.info
