Ildi Pajtoni, trashëgimtari i Qendrës Tregtare “Pajtoni Center”, ka ndërruar jetë tragjikisht pas një aksidenti me motor.
Bëhet me dije se 27 vjeçari, i angazhuar në biznes si administrator i kompanive të familjes, por dhe drejtues i bizneseve të vogla që kishte inicuar vet, ka ndërruar jetë një ditë më parë. Ikja e tij në lule të rinisë ka prekur thellësisht familjen dhe të afërmit, duke i lënë zemërthyer.
“Ah zemra e vëllait pse më le vetëm“, ka shkruar vëllai i tij, Redi Pajtoni.
Familja Pajtoni është ndër më të njohurat në Tiranë për shkak të angazhimit në biznesit e mermerit dhe aktivitetin tregtar të Qendrës Tregtare “Pajtoni”, e cila ndodhet në autostradën Tiranë-Durrës. Në këtë moment të vështirë për familjen Pajtoni, të shumta kanë qenë mesazhet ngushëlluese.
