Një aksident i rëndë ka ndodhur mbrëmjen e djeshme në Durrës, ku një person ka humbur jetën.
Raportohet se ngjarja ka ndodhur në lagjen nr. 15 të qytetit bregdetar, ku automjeti me drejtues shtetasin D. N. ka aksidentuar këmbësorin Xh. Zh. Si pasojë e aksidentit, këmbësori ka humbur jetën.
Drejtuesi i automjetit është shoqëruar në Komisariatin e Policisë për kryerjen e veprimeve të mëtejshme procedurale.
Grupi hetimor ndodhet në vendngjarje dhe, nën drejtimin e Prokurorisë, vijon punën për dokumentimin e plotë të rrethanave dhe përcaktimin e shkakut të aksidentit.
