Fredi Beleri nuk e ka ndalur përballjen me drejtësinë në Shqipëri, ku kërkon pafajësi për dënimin me dy vite burg për blerje votash.
Më 3 shkurt ai ka paraqitur ankesë në Gjykatën Kushtetuese, ku kërkon të shpallet e pavlefshme masa që e ndaloi të ushtronte detyrën si kryetar i Bashkisë së Himarës. Sipas regjistrit të Gjykatës Kushtetuese, relator i çështjes do të jetë Asim Vokshi.
Beleri u ndalua dy ditë para zgjedhjeve të 14 majit, por rezultoi fitues, edhe pse ndodhej në qeli. Ai u dënua në vitin 2024 me dy vite burg. Gjatë qëndrimit në paraburgim ai kërkoi të bënte betimin si kryebashkiak, por kjo iu ndalua.
Ndërkohë, ndërsa ishte në qeli, ai u propozua si kandidat për eurodeputet nga “Demokracia e Re”, partia e kryeministrit grek Kyriakos Mitsotakis, ku edhe fitoi, duke bërë betimin si europarlamentar në Strasburg.
