Kursi i këmbimit Euro-Lek vazhdon rënien drastike dhe sot ka prekur një nivel të ri.
Sipas kursit zyrtar të këmbimit të Bankës së Shqipërisë, 1 Euro ditën e sotme këmbehet me 100.38 Lekë, duke zbritur në nivelin më të ulët të kursit të këmbimit për këtë vit.
E njëjta gjë ndodh me Dollarin Amerikan që këtë të premte blihet me 91.8 lekë dhe shitet 92.7 lekë, kurse Paundi britanik blihet me 117.2 lekë dhe shitet me 118 lekë.
Për bankën e Shqipërisë këto luhatje në kursin e këmbimit, ku leku vijon të forcohet vjen si rezultat i fluksit të valutës që po vjen në vend për shkak të turizmit e investimeve të huaja, që kanë shkaktuar shumë ofertë për euro në treg dhe pak kërkesë.
