Në Platformën Elektronike të Regjistrimit që nga 11 janari deri sot janë regjistruar për të marrë pjesë në zgjedhjet parlamentare 211,016 shtetas shqiptarë.
Këto janë shifrat e fundit të bëra publike nga Komisioni Qendror i Zgjedhjeve deri në orën 10:56 të ditës së sotme, ndërsa aplikimi do të jetë i hapur deri më datën 4 mars.
Sipas të dhënave të KQZ-së janë miratuar 169,502 kërkesa dhe janë refuzuar 38,593 të tilla. Gjithashtu kanë bërë kërkesë për regjistrim 261,741, janë shqyrtuar 258,769 kërkesa, janë refuzuar 89,267 dhe 2,920 janë në shqyrtim.
Numri më i lartë i kërkesave është regjistruar nga Italia me 102 255, e ndjekur nga Greqia me 74 609, Gjermania me 27 808 si dhe nga SHBA me 17 788 e Britania e Madhe 15 284.
Sa i takon kërkesave sipas qarqeve, numri më i lartë i aplikimeve është për qarkun e Tiranës me 51 485, më pas vijnë qarqet Fier me 34 220 kërkesa, Elbasan me 28 671, Durrës me 27 909, Korçë me 23 642 etj.
