Gazetarja Ilnisa Agolli dhe moderatori Meriton Mjekiqi janë duke krijuar një romancë brenda Big Brother VIP. Mirëpo ky afrimitet ka shkaktuar jo pak paragjykime, sidomos kundrejt Ilnisës e cila është nënë e një fëmije dhe se është më e madhe në moshë se Meritoni.
E përsa i përket këtyre komenteve, familjarët e Ilnisës kanë bërë një reagim në profilin e saj të Instagram-it, ku kanë shkruar:
“Nuk kishte moment më të mirë se sa këto vargje të lexuara nga Ledioni për të treguar një realitet që të gjithë ne bashkëjetojmë dhe që fatkeqësisht sa pak e luftojmë! Një realitet që nxjerr në pah ashpërsinë dhe brutalitetin ndaj një femër, një nënë duke e gjykuar dhe duke i treguar se si qenia e saj, kinse qenka e ndaluar të përjetojë momente afeksioni, çiltërisie dhe që e bën të ndihet mirë. Tërësisht vulgare shprehja se si një mashkull nuk ka çfarë të humbi, ndërkohë që një femër po… konkretisht Ilnisa! Konica ka thënë që njeriu është më i ligë se egërsirat (sidomos nëse tek tjetri sheh atë që i mungon). Për mua kjo shprehje duhet të ndryshojë sot! Mos të harrojmë që ne rrotullohemi rreth njëri tjetrit. P.S Vargjet e lexuara janë të Arben Dukës së ndritur, por sa i japim rëndësi lapsuseve që të gjithëve na qëllon të ndodhin, le t’i japim pak kohë të menduarit se çfarë ato vargje tregojnë dhe nënkuptojnë!”
