Deputeti i partisë Demokratike Luan Baçi diskutoi në lidhje me çështjen e cila bëri një bujë prag zgjedhjeve elektorale, kontrata e lobimit prej 6 milionë dollarësh për heqjen e statusit non-grata të Sali Berishës në SHBA.
Gjatë diskutimit deputeti devijon temën e caktuar duke folur për një çështje tjetër dhe moderatoja e Top Channel duke u munduar ta rikthejë sërish ai reagoi duke thënë se nuk e di për çfarë teme duhet të flasë.
Moderatorja e emisionit i kthehet ashpër duke e lajmëruar se s’ka pse të pranojë të flasë nëse ai nuk e di për çfarë po flet. Sipas saj ky është një veprim i përsëritur i deputetit sa herë ftohet në emision për të folur rreth ndonjë teme të caktuar.
Pas kësaj përplasjeje mes të ftuarit dhe moderatores u fol më qartë rreth kontratës së lobimit.
