Vendi ynë do të ndikohet nga masat e nxehta afrikane, të cilat do të sjellin temperatura më të larta se mesatarja mujore e Gushtit, duke u rritur deri në 7 gradë mbi normë.
Pjesa e parë e ditës së enjte do të karakterizohet nga mot i kthjellët në të gjithë territorin shqiptar, ndërsa pasditja dhe mbrëmja do të shoqërohen me kalime të lehta vranësirash në zonat lindore dhe pjesërisht në qytetet e zonës së ulët.
Në këtë fund Gushti temperaturat e ajrit do të rriten si në mëngjes, ashtu edhe në mesditë, duke luhatur vlerat ditore nga minimalja 14 gradë Celsius, deri në 37-38 gradë maksimumi në rang vendi.
Në përgjithësi, ditët e fundit të Gushtit do të vijojë me mot tipik veror, me temperatura të larta dhe kushte të favorshme për pushuesit, por që kërkojnë kujdes ndaj orëve të nxehta të mesditës.
