Duke ngrënë bukë as hasmi nuk të prek, ndërsa G-Bani theu çdo rregull, ligj apo normë të familjeve shqiptare duke qëlluar me shuplakë Gjestin në shtepine e Big Brother VIP.
G-Bani ka folur pas përjashtimit me zarf të zi nga shtëpia e Big Brother VIP, pasi goditi me shuplakë Gjestin. Në një intervistë të dhënë për Fan Club menjëherë pas incidentit, G-Bani tha se reagoi në këtë mënyrë pasi Gjesti e preku i pari.
“Nuk kam asnjë emocion. Ende jam në fazë të kuptimit të asaj që ndodhi. Gjesti më preku pak dhe unë e preka pak. Nëse unë do dënohem sepse dikush që më preku pa asnjë të drejtë, u shty nga unë, le të më dënojnë, nuk është hera e parë që imazhi im preket dhe dëmtohet. Do të më marrë malli për dikë.”, tha ai.
