Balerini i njohur shqiptar, Eno Birko ka tentuar vetëvrasjen duke u hedhur nga kati i katërt i pallatit në kryeqytet.
Ngjarja ka ndodhur rreth orës 01:00 të mëngjesit të sotëm, në rrugën “Margarita Tutulani”, ku jetonte balerini i njohur Eno Birko, i cili për shumë vite ka qenë pjesë e skenës së Teatrit të Operas dhe Baletit.
Si pasojë, balerini 50-vjeçari ka marrë dëmtime dhe ndodhet në spital në gjendje të rëndë.
“Më datë 03.12.2024, rreth orës 01:00, në rrugën “Margarita Tutulani”, dyshohet se është vetëhedhur nga kati i katërt i pallatit, shtetasi E. B., 50 vjeç. Si pasojë ky shtetas është dëmtuar dhe ndodhet në spital, në kujdesin e mjekëve”, njofton Policia.
Kujtojmë që Eno Birko, balerini i talentuar shqiptar, u shkëput për shumë vite nga skena pasi kishte probleme me depresionin dhe alkoolin.
