Sali Berishës nuk i del inati me ish Sekretarin e Shtetit në SHBA, Antony Blinken, i cili e shpalli “non grata”.
Në konferencën për gazetarët, Berisha tha se armiku më i madh i brendshëm i amerikanëve është Antony Blinken.
“Më gjeniale është deklarata e Trump se armiku më i rrezikshëm për SHBA është armiku i brendshëm. Pra, cili është ky armik i brendshëm? Ky armik i brendshëm qëndron në establishment, në zyrat më të larta, më të rëndësishme. Ky armik i brendshëm ishte kryediplomati i Amerikës dhe i botës, që kishte marrë, kishte mbledhur 51 firma për të mashtruar kombin amerikan dhe për t’i thënë se laptopi nuk ishte i Hunter Biden. Ky njeri, pasi u vërtetua nga hetimi i Kongresit se kishte kryer këtë akt, nuk kishte minimumin e integritetit të jepte dorëheqjen. Nuk ndjehej e turpëruar për aktin që kishte kryer. Po pse e thotë armiku më i rrezikshëm? Sepse dallimi midis forcës së njeriut të lirë dhe forcës së njeriut jo të lirë është dallim si nata me ditën. Zoti e shpëtoi Amerikën”, tha Berisha për Blinken.
