Kryetarja e Kuvendit, Lindita Nikolla gjatë mbledhjes në Konferencën e Kryetarëve, ka sqaruar se Sali Berishës nuk t’i “digjet” mandati.
Në mënyrë të turpshme, kryeparlamentarja Nikolla argumenton se Sali Berisha ka munguar me “arsye” në Parlament për më shumë se 6 muaj, prandaj nuk i hiqet mandati i deputetit.
“Dua t’i japim fund spekulimeve. Qenia e një personi nën këtë masë nuk mund të konsiderohet si mungesë pa arsye në Kuvend. Jemi konsultuar me njohës të ligjit dhe Kushtetutës”, mësohet të ketë thënë Nikolla.
Berisha ndodhet në ”arrest shtëpie” që prej 30 dhjetorit 2023 dhe çdo mbrëmje ai flet nga dritarja për militantët e tij që i shkojnë poshtë banesës.
