Sekretari i Përgjithshëm i partisë “Shqipëria bëhet” Elton Laska ka pranuar publikisht se deputetja e tyre do të rreshtohet krah Sali Berishës.
Pavarësisht se më 11 Maj i hodhën “hi syve” shqiptarëve dhe morën vota nga elektorati gri, Elton Laska tashmë deklaron se “Shqiperia Behet” e Lapajt e ka të përcaktuar qartë në statut se “është parti e djathtë dhe do të votojë kundër mazhorancës në Kuvend“.
Më herët zyrtari tjetër i “Shqipëria bëhet”, Elvis Çela ka pohuar afeksionin që partia e Adriatik Lapajt ka me Sali Berishën. Çela u shpreh se “Sali Berisha dhe PD janë simbol i të djathtës shqiptare në modernizëm”.
Kujtojmë që gjatë spoteve elektorale të 11 majit, Kryeministri Edi Rama e kishte paralajmëruar se Adriatik Lapaj do të bashkëpunojë me Sali Berishën.
