Një incident i paprecedent është regjistruar sot në Kuvend ku Flamur Noka ka gjuajtur drejt një kameramani.
Për këtë situatë ka ndërhyrë dhe kryetarja e Kuvendit, Lindita Nikolla duke i tërhequr vërejtje Nokës.
Burime për “FaxNews” bëjnë me dije se shkak ka qenë sepse operatori po filmonte telefonin e Sali Berishës. Po të njëjtat burime thonë se në ato çaste Berisha ka qenë duke parë një video-denoncim që i kishte ardhur në rrjetin social Whatsapp. Ka qenë Flamur Noka i cili është ngritur nga vendi i tij dhe ka qëlluar operatorin me rregulloren e Kuvendit.
Lindita Nikolla: Vërejte me reagimin ndaj mediave. Nuk mund të reagoni ashtu ndaj medias duke e qëlluar me rregulloren e Kuvendit. Ju lutem etikë në sallë dhe respekt ndaj medias së lirë. Nuk mund të rri unë teksa shoh një veprim të tillë.
Flamur Noka: Ti maksimumi deri tek perdja sheh, nuk sheh përjashta. Edhe telefonat i filmojnë kameramanët e tu.
Lindita Nikolla: Jo nuk janë kameramanët e mi, po janë kameramanët e medias së lirë
