Edhe kjo nuk pritej. Mes një moti ekstrem me temperatura shumë të larta, deri në 41 gradë, ia fillon stuhia e madhe!
Bulqiza është përfshirë nga reshjet e dendura të shiut. Ka mjaftuar vetëm 15 minuta reshje të shiut të shoqëruar me erë të fortë dhe breshër për të përmbytur rrugët nacionale të Bulqizës.
Gjithashtu është përmbytur edhe rruga që lidh dy lagjet atë të qytetit të Ri dhe atë të vjetër, kjo e fundit për shkak edhe të bllokimit të kanaleve anësore.
Era e fortë dhe shiu i rrëmbyeshëm ka bërë që edhe disa degë pemësh të këputen e të bien në rrugët e qytetit.
