Kryeministri Edi Rama ka reaguar përsëri për debatin që ka nisur në distancë me gazetarin Blendi Fevziu, duke ndarë një fotografi teksa e kap prej veshi atë dhe shkruan se, drejtuesi i emisionin “Opinion” ka gënjyer shikuesit dhe publikun.
“PRA, BLENDI FEVZIU KA GËNJYER FORT, kur duke e parë në sy publikun nga ekrani i Opinionit ai tha, “kam fakte që të paktën 7 ministra janë në udhëtime private jashtë shtetit të shtunave e të dielave, dhe lënë kasetat me inspektime nëpër tv sikur janë në punë… Ju’a garantoj!” Duke reaguar ndaj postimit tim pa sjellë asnjë fakt mbi këtë akuzë të rreme ose shqip, shpifje, Fevziu braktisi jo thjesht deklarimin e dhënë me garancinë se zotëronte fakte, për plot 7 ministra, që sipas tij bënin marifetin e lartpërmendur“, shkruan Edi Rama.
Kryeministri, duke ju referuar reagimit të djeshëm të gazetarit, thotë se Blendi Fevziu ëhstë çuditur nga fakti që Edi Rama ka folur për deklaratën e tij se ministrat kanë iku, por sërish nuk është penduar.
“Pa asnjë pendesë për fajin e tij live ndaj publikut, Fevziu u shfaq i çuditur që unë reagova ndaj shpifjes së tij, për të cilën ai në fakt mirë mua, që s’më detyrohet asnjë shpjegim, po publikut të Opinionit duhet t’ia kërkonte një ndjesë për gënjeshtrën me 7 bishta”, vijon reagimi i Ramës.
