Kryeministri Edi Rama ka treguar se çfarë ndodhi në gjyqin për shpifje me Gazment Bardhin.
Rama publikoi një mesazh që i ka ardhur nga koordinatori juridik i atyre që i quajti “gjyqe me kënetën”, ku thuhet se avokatët e deputetit të PD kanë kërkuar që të mos merreshin parasysh deklaratat, pasi ato që ka thënë Bardhi janë fakte të njohura.
Mes të tjerash, në mesazh theksohet se duke qenë se nuk kanë prova, ata tentojnë të shtyjnë seancat me fjalë boshe.
“Një mesazh nga koordinatori juridik i shumë gjyqeve me kënetën. Lexojeni pak:
Sot kishim gjyqin për shpifje me Gaz Bardhin. Avokatet e tij kane këmbëngulur qe te mos merren parasysh vendimet e penales, sepse medemek ato qe ka thene Bardhi janë fakte të njohura publikisht dhe ai thjesht i ka përsëritur.
Plus ne parashtrime thoshin Ols Rama ashtu e Ols Rama kështu paçka se SPAKU e nxori qarte fare qe ai s’ka asnjë lidhje me akuzat e Bardhit.
Megjithatë avokati ynë ua ka bere te qarte qe padia eshte e Edi Rames dhe behet fjale për deklaratat e Bardhit per kryeministrin qe ka fshire emrin e vellait nga dosja me prokurore qe pastaj i ka prmovuar etj etj..
Pra gjyqi eshte me Edi Ramen dhe per shpifjet ndaj Edi Rames, prandaj ata duhet te sjellin prova qe te vertetojne theniet e Bardhit. Po natyrisht ata prova s’kane dhe s’perdridhen duke shtyre seancat me llafe boshe. Ju informoj per seancen tjeter”.
Eh Babale Babale, s’perdridhu s’perdridhu…”, shkruan Rama.
