Eksperti rrugor Fatmir Hasho ka treguar se cili është aksi rrugor më i rrezikshëm në Shqipëri, ku drejtuesit e mjeteve duhet të bëjnë shumë kujdes.
Ai shprehet se aksi kombetat Pishkash-Prrenjas është tepër i rrezikshëm, pasi gjatë dimrit uji që rrjedh ngrin, duke bërë që makinat të rrëshqasin dhe të humbin kontrollin.
“Është një fshat, ka qenë minierë e famshme, Pishkash. Aty në atë vend, tamam ku është tabela e Pishkashit derisa të dalës për të shkuar në Prrenjas, është një rrugë për të shkuar jo më shumë se 2-3 km e cila në kohën e dimrit, nga ora 6 e mëngjesit deri në orën 10 të mëngjesit, duhet një kujdes, pavarësisht se ka tabela, por njerëzit janë të pavëmendshëm. Nuk e kap dielli dhe ato ujërat që dalin, krijojnë një shtresë, kur ti mund të jesh i pavëmendshëm, makina del nga rruga. Kemi fenomene atmosferike, shi, akull, ngrica, vëmendja duhet të jetë maksimale në drejtimin e mjetit”, u shpreh eksperti.
