Një ngjarje e rëndë është regjistruar pak minuta më parë, ku një 30-vjeçar ka humbur jetën pasi është hedhur nga një varkë në në liqenin e Pogradecit.
Viktima është identifikuar si Kërtis Rizvani, me origjinë nga Maliqi. Në momentin e ngjarjes, i riu ka qenë i shoqëruar nga dy persona të tjerë, shkruan Top Channel.
Sipas të dhënave paraprake, ende nuk është e qartë nëse 30-vjeçari ka pësuar një problem shëndetësor, përfshirë një infarkt pas kontaktit me ujin, apo nëse ka humbur jetën si pasojë e mbytjes.
Në vendngjarje ndodhet grupi hetimor, i cili po punon për të zbardhur rrethanat e plota të ngjarjes dhe për të përcaktuar shkakun e vdekjes.
