Ulja e temperaturave gjatë natës është shoqëruar me reshje bore në zonat malore të juglindjes. Borë me intensitet mesatar ka pasur në lartësitë mbi 1 mije metër mbi nivelin e detit.
Rrugët nacionale që lidhin Korçën me Kapshticën, Qafëthanën dhe Leskovikun janë të qarkullueshme normalisht. Në rrugën Boboshticë-Dardhë, nga kilometri i 7 deri në km 12 trashësia e borës është 6 centimetra.
Subjektet kontraktore kanë ndërhyrë me mjete borëpastruese dhe kanë kriposur aksin turistik drejt Dardhës, i cili qarkullohet pa probleme. Dardha tashmë është zbardhur nga dëbora dhe kjo do jetë një nga arsyet që këtë fundjavë turistët të zgjedhin pikërisht Korcën.
Në fshatrat e thellë malore të bashkisë së Korcës, Shtyllë, Panarit, Lekas trashësia e borës shkon deri në 20 centimetra.
